Castrelo de Miño, 23 de xuño de 2011.

No día de hoxe distintos medios de comunicación informan sobre o Pleno de organización do Concello de Ribadavia, no que o alcalde socialista Marcos Blanco non conseguiu aprobar algunhas das propostas que levaba a debate, ao carecer da maioría de concelleiros suficientes para poder facelo.

Este é un asunto que o BNG considera que non debe saír estrictamente do ámbito local no que se está a debatir, e polo tanto o BNG de Castrelo de Miño nada tería que dicir sobre este tema, xa que a nosa organización política xa ten en Ribadavia os seus propios representantes.

Pero o BNG de Castrelo de Miño vese na obriga de facer unha nota aclaratoria ante o manifestado polo alcalde socialista de Ribadavia nunha entrevista concedida a La Voz de Galicia no día de hoxe, na que di textualmente:

-De todos modos ¿cree que es el momento de aplicar un incremento salarial?
-Son los sueldos más bajos de la provincia, comparándolos con el del alcalde de Allariz, que cobra 2.400 euros mensuales en una villa similar a Ribadavia o con el de Castrelo de Miño, 1.500 euros en un municipio de 1.200 habitantes o algunos del PP que cobran 40.000 y 50.000 euros mensuales.

Ante os inexactitude dos datos incorrectos aos que Marcos Blanco fai referencia no ámbito que nos incumbe, que é o do concello de Castrelo de Miño, o BNG deste concello quere facer as seguintes aclaracións:

• O concello de Castrelo de Miño non ten 1.200 habitantes, como dun xeito errado dí Marcos Blanco, senón que ten actualmente 1.870 habitantes, como así se recolle nos datos oficiais do Instituto Galego de Estatística dos que achegamos esta ligazón
• O alcalde de Castrelo de Miño, Xurxo Rodríguez Méndez non está cobrando 1.500 euros mensuais como malintencionadamente indica Marcos Blanco. O alcalde nacionalista de Castrelo de Miño está a cobrar nestes intres 1.200 euros netos mensuais. O mesmo salario que percibe desde o ano 2007.
• No pleno de organización que se celebrou en Castrelo de Miño este pasado martes 21 de xuño, onde se levou de novo a pleno a adicación do alcalde, a proposta que someteu a votación a alcaldía foi: que debida á situación económica xeral na que nos atopamos, propuña manter exactamente o mesmo salario que estaba a cobrar ata o día de hoxe, é dicir 1.200 euros.
• Queremos salientar que o BNG dispón en Castrelo de Miño de maioría absoluta e polo tanto suficiente para que Xurxo Rodriguez Mendez se subira o salario. Sin embargo, o criterio exposto e defendido por Xurxo Rodriguez foi o de manter o mesmo salario de 1.200 euros.
• O BNG de Castrelo de Miño ten que dicir que lle sorprende que Marcos Blanco non teña mellores argumentos para xustificar o intento de subida do seu salario que facilitar datos incorrectos e malintencionados sobre o alcalde de Castrelo de Miño, e di moi pouco del, como representante dos veciños de Ribadavia, que xenere un debate estéril sobre os salarios dos demais (con datos erróneos), e non sobre o seu propio que é ao que se debería ceñir, xa que ese era o punto que ía na orde do día do pleno de onte do concello de Ribadavia.
• E xa que Marcos Blanco fixo referencia ao noso concello, o BNG de Castrelo de Miño lémbralle, que en 2007 estando na oposición o PSOE de Castrelo de Miño, estes votaron en contra da adicación exclusiva de Xurxo Rodriguez Mendez, xustificándoo en que daquelas o BNG de Castrelo de Miño carecía da maioría suficiente para levar a pleno e aprobar esa proposta. Pregúntase polo tanto o BNG de Castrelo de Miño a quen se refiere Marcos Blanco na dita entrevista cando sinala que “quieren una cosa cuando gobiernan y otra distinta cuando no gobiernan”.

Ribadavia 23 de xuño de 2011

O portavoz nacionalista, Anxo Collarte, lamenta a irresponsabilidade do alcalde ao fuxir do debate e acudir á descalificación persoal

Anxo Collarte, portavoz do BNG de Ribadavia, manifestou que “o goberno municipal ten o noso apoio para darlle estabilidade ao goberno local, pero pídolle ao alcalde que utilice o diálogo e o sentido común para facelo realidade.”

Anxo Collarte, engadiu ademais “que pense nos problemas reais dos veciños e veciñas de Ribadavia e non antepoña as situacións persoais dos seus concelleiros para impedir un goberno sólido. O BNG non vai caír nas provocacións do alcalde e mantemos a nosa determinación de aportar sentido común e diálogo á vida municipal como así fixemos durante oito anos. Lamento a irresponsabilidade do alcalde ao fuxir do debate e do diálogo e acudir á descalificación persoal, pero non imos entrar no xogo de manobras de modificación de asuntos plenarios sobre a marcha, exhibicións de soberbia e descalificacións persoais para tapar a incapacidade de resolver”.

Ribadavia 22 de xuño de 2011

O BNG demandou do alcalde de Ribadavia máis diálogo para poder darlle maior estabilidade ao novo goberno local. Anxo Collarte, portavoz do BNG, declarou que “o alcalde debe utilizar o sentido común, pero sobre falar, falar con nós, porque estamos dispostos a un debate en positivo sobre as discrepancias que xurdiron no Pleno de organización de hoxe”.

Engadiu o portavoz nacionalista que “nun pleno onde a ausencia de maiorías absolutas é un feito, o alcalde está obrigado a actuar responsabelmente, dialogar para determinar as regras de xogo para os próximos catro anos. Queremos tratar estes asuntos con calma, escoitando incluso a outros grupos da corporación. Queremos facilitar o traballo do goberno, pero en condicións razoábeis e non coa imposición dunhas retribucións para os membros do goberno que resultan un agravio para as persoas que están sufrindo unha grave crise económica da que non son responsábeis”.

Os membros do grupo municipal do BNG en Ribadavia, Anxo Collarte e Edmundo Araújo, manifestaron hoxe o seu compromiso en cumprir coas propostas de futuro achegadas á cidadanía de Ribadavia a través do traballo diario do grupo municipal nacionalista. Non sendo posible, polo de agora, a incorporación dos nacionalistas a un novo goberno municipal de coalición, o BNG de Ribadavia optou por non por atrancos á elección do candidato do PSOE como novo alcalde.

A garantía de estabilidade, de medios suficientes para o exercicio do goberno, para o cal o BNG non puxo atrancos a que o candidato socialista á alcaldía e un concelleiro do seu grupo gozaran de adicación exclusiva a xornada completa para o desempeño das súas tarefas, e a pesar do compromiso dos nacionalistas para formar un novo goberno de coalición para este mandato municipal víronse frustrados. Ate tres propostas de distribución das áreas do goberno municipal realizadas polo BNG, foron rexeitadas.

O portavoz nacionalista Anxo Collarte sinala que “o BNG de Ribadavia vai exercer con responsabilidade na corporación municipal de Ribadavia polo seu compromiso cos intereses dos veciños e veciñas de Ribadavia, como así se fixo no goberno municipal nos últimos 8 anos”.

Con Anxo Collarte Perez, Edmundo Araujo Gandara, Luisa Fidalgo Rodriguez, Emilio Jose Cuiñas Otero, Maria Teresa Rodriguez Estevez, Argimira Alfaro Mosquera, Francisco Alonso Fernandez, Luisa Del Carmen Escudero Centron, Carlos Antonio Alvarez Castro, Diana Rionegro Dabarca, Cristian Rodriguez Vieitez, Antonia Reboredo Guitian, Miguel Arias Fernandez e por suposto tamén con Francisco Javier Carreira Sebio, Esther Pumar Vazquez, Felix Antonio Mojon Rodriguez, Amelia Martinez Fariña, Brais Fidalgo Martinez e sen esquecernos de todas e todos os que compoñen a familia de amigos do BNG….

En RIBADAVIA hai FUTURO

VOTA BNG!!

O 22 de maio non quedes na casa, fala ti tamén nas urnas pois senón outros votarán por ti

No Ribeiro co BNG hai futuro… VOTA BNG!!

Mitín do BNG en Ventosela

Lugar: Local Social da Escola
Data: Mércores, 18 de Maio de 2011
Hora: 20:30 horas

Mitín do BNG en San Cristobo

Lugar: Local Social da Escola
Data: Xoves, 19 de Maio de 2011
Hora: 20:30 horas

Mitín do BNG en Francelos

Lugar: Fontiña Mariña (Antiga Escola)
Data: Xoves, 20 de Maio de 2011
Hora: 20:30 horas

Intervirán:

Maite Rodríguez – Membro da candidatura do BNG de Ribadavia

Luisa Fidalgo – Membro da candidatura do BNG de Ribadavia

Edmundo Araujo – Membro da candidatura do BNG de Ribadavia

Carlos Aymerich – Portavoz parlamentario do BNG

Anxo Collarte Pérez – Candidato do BNG á alcaldía de Ribadavia

Luga: Casa da Cultura
Data: Luns, 16 de Maio de 2011
Hora: 20:30 horas

Falarán:

Carlos Antonio Álvarez Castro – Membro da candidatura do BNG de Ribadavia

María Teresa Rodríguez Estévez – Membro da candidatura do BNG de Ribadavia

Anxo Collarte Pérez – Candidato á alcaldía de Ribadavia

Luga: Local Social da Escola
Data: Sábado, 14 de Maio de 2011
Hora: 21:00 horas

Falarán:

Xosé Carballido

Ánxeles Montero – Candidato á alcaldía de Cortegada

Luga: Cafetería Cortegada
Data: Sábado, 14 de Maio de 2011
Hora: 20:15 horas